Plantun de Prouvènço

Pèr coumpara dos planto d'encò nostre

Poa molinerii & Myosotis laxa

Margaioun(-de-Molinier)

Poa molinerii

Poaceae Graminaceae

Autre noum : Péu-de-chin.

Nom en français : Pâturin de Molinier.

Descripcioun :
Aquéu margaioun trachis dins li tepiero seco de mountagno ounte ié flouris l'estiéu. Fai parti dóu group di margaioun dis Aup, Poa alpina. Pòu pamens se n'en destria bonodi lou bout di fueio que soun un pau plega e subretout acaba emé d'esclerenchime larg, e de limbe de fueio basalo esfloura que se roumpon à la baso quouro ié tiras dessubre. Èi verai qu'es un pau tihous.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Poa
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 2 à 3,5 cm
Flourido : Printèms - Estiéu

Sòu : Ca (Si)
Autour basso e auto : 700 à 2600 m
Aparado : Noun
Mai à juliet

Liò : Tepiero seco
Estànci : Mountagnard à Aupen
Couroulougi : Ouroufito-Sud-Aupenco
Ref. sc. : Poa molinerii Balb., 1801 (= Poa alpina subsp. xerophila Braun-Blanq. )

Te-vese-e-t'ame(-fourro-bourro)

Myosotis laxa

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis gazonnant.

Descripcioun :
Aquéu te-vese-e-t'ame, pulèu rare, trachis en ribo de ribiero, dins li prado umido e li roubino de palun. Emé si péu contro li sepalo se destrìo dis aùtri Myosotis di flour pas trop grosso. Tambèn, i'a ges de bratèio dins l'enflourejado e lou "calice" crèis proun après la flourido.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").